Bilboko Akordeoien Orkestra Sinfonikoa 1963. urtean sortu zen eta, gaur egun, Amagoia Loroņo, Orkestraren sortzailea Josu Loroņo maisuaren alabaren zuzendaritzapean dago. Izan ere, Orkestra aitzindaria da gure herrian, akordeoilari trebeez dago osatua eta onenetarikoa dugu Europakoen artean.

Amagoia Loroņo, Bilboko "Loroņo Musikaltegia" Musika Zentroko zuzendaria ere bada, non, zeregin pedagogiko-musikalean ari den, musika eta akordeoiko irakasle talde batekin elkarlanean. Zentro horretatik, hain zuzen ere, datoz Orkestrako kide guztiak.
Bere musika-lanak mota desberdinekoak dira (musika klasikoa, zarzuelakoa, saloikoa, nazioartekoa, herrikoia, e.a.). Hortaz, betidaniko musikaz gozatzen duten adin guztietako pertsonentzat kontzertu atseginak eratu ditzake, betidanikoak baitira, hain zuzen ere, entzule gazteentzat eskainitako musika-programazioetan ahaztu egiten ohi direnak.       
Bilbon berezko kontzertuak eskaintzeaz gain, Orkestrak ehundaka eman izan ditu Alemanian, Polonian, Frantzian, Portugalen, Colombian, Estatuko hiriburu garrantzitsuenetan, Euskal Herriko hiri gehienetan; denen artean gailendu egiten dira Galiziatik egin dituen kontzertu-ibilaldiak eta Madrileko Komunitateko Antzokien Sareko kontzertuak.
Halaber, Bilboko Akordeoien Orkestra Sinfonikoak, "DO RE MI KA" izeneko ikuskizun didaktikoa sortu izan du; horretan, zenbait musika-adibidez baliatuz, musika eta orkestaren hamaikatxo "sekretu" erakusten zaizkie ikusleei. "DO RE MI KA", euskarazko bertsioan, bizkaitar eskolakideei zuzenduriko kanpaina batean burutuz doa Bizkaiko antzokitan zehar, Bizkaiko Foru Aldundiaren lankidetzarekin.
Josu Loroņo maisuak askotariko erakunderen ohoreak jaso izan ditu bere lan artistiko etengabearen saritzat. Hauen artekoak dira Bizkaiko Foru Aldundi Tx. Gorenaren eta Bilboko Udal Tx. Gorenaren aldetik jasotako omenaldiak. Josu Loroņo maisuaren irakaskuntza-lana, Juan Crisostomo de Arriaga Musikako Goi-Kontserbato-
riora hedatu izan da, bertan armoniako irakaslea izan baita; era berean, akordeoiko nazio eta nazioarteko lehiaketetan epaimahaikide bezala jardun izan du.